torna
indietro - ScriviciVittorio Butera
A ‘stu munnu,
Vale
ssulu
Culu
tunnu!
Ti
nne ridi?
Nun ce
cridi?
E ttu
piglia
‘Na
buttiglia:
Senza
culu cchi nne fai?
E’‘nnu
guai!
L’ùagliu
funne
E tte
cunne!
‘Nu
spurtune sculacchjatu
L’accattère?
‘U ru
vulere
Mancu,
criju, rigalatu!
Haju
datu,
Stamatina,
‘Nu
cazune de frannina,
Nuovu,
nuovu, a ‘nnu strazzatu.
‘Nu
grubbicchju cc’era ssulu
A
‘nna natica de culu.
L’ha
ppigliatu,
L’hadi
ampratu,
L’ha
gguardatu
E ll’ha
jittatu;
Ed ha
ddittu sulu, sulu:
-
‘U’ ru vuogliu! E’ rruttu ‘n culu! -
Si te
capita, ddemane,
‘Na
scuppetta senza cane,
Ppe’
sparare pue arranciare:
Ccu
‘nna petra si cce vatti
‘Nu tubettu nu’ ru scatti?
‘Un
pue fare nente sulu
Si
‘u’ d’ha cculu.
Cchi
ripari?
Cumu
spari?
De
‘nu cagnu de rugagnu,
Tina,
vutte, varrilazzu,
Me sai
dire cchi nne fazzu
Si nun
tene ru timpagnu?
‘U’
mm’aggiuva
Nné
ppe’ mmustu nné ppe’ d’uva.
Ma si
tene ru culacchju
Tunnu e
ffunnu
E’
‘nn’autru cacchju!
L’acu
è ttuttu
Ma,
‘ntramente,
Quannu
cce ha ru culu ruttu,
Caru amicu,‘u’ bbale nnente!
Ah! ‘Nu culu tunnu, tunnu!
E’ ru priaju de ‘stu munnu !
Quannu
è ttantu
Guardu
e ‘ncantu !
Quannu
è ggrassu
Viju e
‘ntassu!
Culu
musciu
Nun fa
scrusciu,
Culu
grassu,
Ad ogne
ppassu
Natichìja
e scattarìja!
Gruollulìja
E
abballarìja!
Quannu
a spassu
Ti nne vai ‘ssu munnu munnu
Iu te viju e mme ricrìju,
Culu grassu! Culu tunnu!
Pistu, pistu,
Nun rrisistu!
Chjnu, chjnu,
M’abbicinu!
Tunnu, tunnu,
Mi cce junnu!
Grassu,
grassu,
Nun te lassu!
Culu
pistu,
Culu chjnu,
Culu tunnu,
Culu grassu!
A ‘nnu
strittu si te ‘ncappu
Chjanu, chjanu,
Ccu ‘sta manu,
Ppe
‘nna natica t’acchjappu!
E ssi
viju ca tu vue,
Cce
l’appappu
Ttutte
‘e due!
Ma,
cumpari,
Patti
chiari:
Nummu
spari!
Cà si
nnò, mannaia nnullu,
Ccu
‘nnu sùvaru t’ammullu.